سورة التوبہ

وَعَدَ اللَّهُ الْمُنَافِقِينَ وَالْمُنَافِقَاتِ وَالْكُفَّارَ نَارَ جَهَنَّمَ خَالِدِينَ فِيهَا ۚ هِيَ حَسْبُهُمْ ۚ وَلَعَنَهُمُ اللَّهُ ۖ وَلَهُمْ عَذَابٌ مُّقِيمٌ

اللہ نے منافق مردوں اور منافق عورتوں اور کافروں سے جہنم کی آگ کا وعدہ کیا ہے اس میں ہمیشہ رہنے والے ہیں وہی ان کو کافی ہے اور اللہ نے ان پر لعنت کی اور ان کے لیے ہمیشہ رہنے والاعذاب ہے۔“ (٦٨)

منافق راہ حق سے دور ہوکر گمراہی کے چکر میں پھنس گئے ہیں ان منافقوں اور کافروں کو مرد ہو یا عورتیں، انکی بداعمالیوں کی سزا ان کے لیے اللہ تعالیٰ نے جہنم کو مقرر فرما رکھا ہے جہاں وہ ابدالآباد تک رہیں گے، اور اللہ کی لعنت ہے ان منافقین پر۔