سورة الانفال - آیت 6

يُجَادِلُونَكَ فِي الْحَقِّ بَعْدَمَا تَبَيَّنَ كَأَنَّمَا يُسَاقُونَ إِلَى الْمَوْتِ وَهُمْ يَنظُرُونَ

ترجمہ فہم القرآن - میاں محمد جمیل

وہ آپ سے حق کے بارے میں جھگڑتے تھے اس کے بعد کہ وہ صاف واضح ہوچکا تھا، جیسے انہیں موت کی طرف ہانکا جا رہا ہے اور وہ اسے دیکھ رہے ہیں۔ (٦)

تسہیل البیان فی تفسیر القرآن - ام عمران شکیلہ بنت میاں فضل حسین

حق ظاہر ہو چکا تھا ۔ یعنی یہ بات تو ظاہر ہو گئی تھی کہ قافلہ تو بچ کر نکل گیا ہے۔اب لشکر قریش ہی سامنے ہے۔ جس سے لڑائی نا گز یر ہے ۔ دراصل جولوگ لڑائی سے گریز کر رہے تھے بے سر و سا مانی کی وجہ سے ان کی کیفیت کا یہ اظہار تھا۔