وَقَطَّعْنَاهُمْ فِي الْأَرْضِ أُمَمًا ۖ مِّنْهُمُ الصَّالِحُونَ وَمِنْهُمْ دُونَ ذَٰلِكَ ۖ وَبَلَوْنَاهُم بِالْحَسَنَاتِ وَالسَّيِّئَاتِ لَعَلَّهُمْ يَرْجِعُونَ
” اور ہم نے انہیں زمین میں مختلف گروہوں میں ٹکڑے ٹکڑے کردیا ان میں سے کچھ نیک تھے اور کچھ اس کے علاوہ تھے اور ہم نے اچھے حالات اور برے حالات کے ساتھ ان کی آزمائش کی کہ شاید وہ باز آجائیں۔“ (١٦٨)
اسلافِ یہود کاکردار، ہم نے بنی اسرائیل کو مختلف فرقے اور گروہ کر کے زمین میں پھیلا دیا( جس میں آجکل مسلمان بھی مبتلاہیں )جس سے قوم کی ساکھ ختم ہو جاتی ہے، اُمت کی وحد ت پارہ پارہ ہو جاتی ہے،اور دنیا کی نظروں میں وہ حقیربن جاتی ہے، بنی اسرائیل میں بھی کچھ لوگ نیک تھے اور کچھ دوسری طرح کے تھے، اللہ تعالیٰ نے انھیں سختی، نرمی خوف، لالچ عافیت غرض ہر طرح پر کھ لیا تا کہ وہ اپنی برائیوں کو چھوڑ دیں، اور میری طرف پلٹ آئیں۔