سورة الاعراف - آیت 151

قَالَ رَبِّ اغْفِرْ لِي وَلِأَخِي وَأَدْخِلْنَا فِي رَحْمَتِكَ ۖ وَأَنتَ أَرْحَمُ الرَّاحِمِينَ

ترجمہ فہم القرآن - میاں محمد جمیل

موسیٰ نے کہا اے میرے رب مجھے اور میرے بھائی کو بخش دے اور ہمیں اپنی رحمت میں داخل فرما اور تو سب سے زیادہ رحم کرنے والاہے۔“ (١٥١)

تسہیل البیان فی تفسیر القرآن - ام عمران شکیلہ بنت میاں فضل حسین

حضرت موسیٰ علیہ السلام کی بھائی کے لیے دُعا مغفرت : حضرت ہارون علیہ السلام کے حلیمانہ جواب سے حضرت موسیٰ علیہ السلام کی طبیعت کچھ اعتدال پر آئی تو سمجھے کہ انھوں نے اپنے بھا ئی پر زیادتی کی ہے، لہذا فوراَ اپنے پروردگار کی طرف رجوع کیا اور دُعا کی کہ مجھے بھی بخش دے اور میرے بھا ئی سے بھی اگر ان لوگوں کو شرک سے باز رکھنے میں کچھ کوتاہی واقعہ ہوئی ہے تو اسے بھی معاف فرمادے اور ہمیں اپنی رحمت سے ڈھانپ لے۔