سورة البقرة - آیت 100

أَوَكُلَّمَا عَاهَدُوا عَهْدًا نَّبَذَهُ فَرِيقٌ مِّنْهُم ۚ بَلْ أَكْثَرُهُمْ لَا يُؤْمِنُونَ

ترجمہ فہم القرآن - میاں محمد جمیل

یہ لوگ جب کبھی کوئی عہد کرتے ہیں تو ان میں سے ایک جماعت اسے توڑ دیتی ہے۔ بلکہ ان میں سے اکثر مانتے ہی نہیں

تسہیل البیان فی تفسیر القرآن - ام عمران شکیلہ بنت میاں فضل حسین

اس آیت میں اللہ تعالیٰ فرماتے ہیں کہ لوگ عہد کو توڑدیتے ہیں۔ یہودیوں کے سرپرکوہِ طور اٹھا کر عہد لیا گیا تھا انھوں نے اسے توڑدیا اور کتاب یعنی تورات کومضبوطی سے نہیں تھاما۔ آج ہم بھی کتاب یعنی قرآن کو پڑھنا اور عمل کرنا نہیں چاہتے۔ ایمان نہ لانے والے فاسق عہد شکن ہیں۔