ان آیات سے ایک بات تو یہ معلوم ہوتی ہے کہ اللہ کا عذاب دفعتاً آتا ہے، جبکہ لوگ اس سے بالکل بے خبر اور غافل ہوتے ہیں ۔ خواہ رات کو آئے جب وہ غفلت کی نیند سو رہے ہوں یا دن کے وقت جب وہ اپنے کا م کاج یا کھیل تفریح میں مشغول ہوں ۔ گویا موت کی طرح اسکا بھی کوئی وقت مقرر نہیں، موت کے آثار تو بسا اوقات محسوس ہونے لگتے ہیں مگر ایسی گرفت ہمیشہ ناگہانی طور پر ہی آتی ہے ۔ امام حسن بصری کا قول ہے کہ: ’’مومن نیکیا ں کرتا ہے اور پھرڈرتا رہتا ہے ۔اور فاسق فاجر شخص بُرائیاں کرتا ہے اور بے خوف رہتا ہے ۔ نتیجے میں مومن امن پاتا ہے اور فاجر پیس دیا جا تا ہے۔‘‘