قَالَ الْمَلَأُ الَّذِينَ اسْتَكْبَرُوا مِن قَوْمِهِ لِلَّذِينَ اسْتُضْعِفُوا لِمَنْ آمَنَ مِنْهُمْ أَتَعْلَمُونَ أَنَّ صَالِحًا مُّرْسَلٌ مِّن رَّبِّهِ ۚ قَالُوا إِنَّا بِمَا أُرْسِلَ بِهِ مُؤْمِنُونَ
” اس کی قوم میں سے وہ سردار جو متکبربنے ہوئے تھے کمزور لوگوں سے کہنے لگے یعنی ان سے جو ان میں ایمان لے آئے تھے، کیا تم جانتے ہو کہ صالح واقعی اپنے رب کا رسول ہے ؟ انہوں نے کہا جو کچھ دے کر اسے بھیجا گیا ہے ہم اس پر یقیناً ایمان لانے والے ہیں۔“ (٧٥)
متکبر سردار اپنے آپ کو انتہائی عقلمند سمجھتے تھے۔ کمزور اور ایمان لانے والوں سے پوچھتے ہیں۔ کہ صالح کی غیر معقول باتیں ہماری سمجھ میں نہیں آرہیں تم انھیں کیسے معقول سمجھ کر ایمان لے آئے ہو۔ کمزور مسلمانوں نے اپنی ایمانی جرأت کا مظاہرہ کرتے ہوئے جواب دیا کہ ہم ان ہی باتوں کو معقول اور برحق سمجھ کر ایمان لائے ہیں۔