سورة المرسلات

فَقَدَرْنَا فَنِعْمَ الْقَادِرُونَ

ہم اس پر قادر ہیں پس ہم بہت اچھا اندازہ لگانے والے ہیں۔

(ف 3) انسان کی توجہ کو اس کی پیدائش کی طرف منعطف کیا ہے کہ دیکھوہم نے کیونکر حقیروذلیل قطرہ آب سے تمہیں پیدا کیا ۔ غرض یہ ہے کہ ایک طرف تو یہ معلوم ہو کہ حضرت انسان قدروقیمت کے لحاظ سے کس اعزاز اور فخر کا استحقاق رکھتا ہے ۔ اور دوسری جانب یہ معلوم ہو کہ خدا کتناحلیم اور کس درجہ حکیم ودانا ہے کہ پانی کے ایک قطرہ سے انسان جیسے اشرف المخلوق وجود کو پیدا کیا ہے ۔