سورة الفتح - آیت 19

وَمَغَانِمَ كَثِيرَةً يَأْخُذُونَهَا ۗ وَكَانَ اللَّهُ عَزِيزًا حَكِيمًا

ترجمہ فہم القرآن - میاں محمد جمیل

اور بہت سا مال غنیمت عطا کرے گا جسے وہ حاصل کریں گے۔ اللہ زبردست اور بڑا حکمت والا ہے۔

تفسیرسراج البیان - محممد حنیف ندوی

(ف 2) ببول کے درخت کے نیچے سرفروشوں کی ایک مخلص جماعت نے حضرت عثمان (رض) کے انتقام لینے کے لئے یعنی ایک مسلمان کی عزت وحرمت پر جان نچھاور کردینے کے لئے ایک عہد کیا تھا ۔ یہ عہد بیعۃ رضوان سے موسوم ہوا ۔ اور اب تک قرآن کے لازوال اوراق میں اس عہد کا تذکرہ ہے ۔ اور ہمیشہ تک ان کی اس وفاداری اور خلوص کا چرچارہے گا ۔ یہ پاکبازلوگ وہ تھے جن پر اللہ نے اپنا فضل وکرم کیا اور ان کو اپنی رضا کا تمغہ عنایت فرمایا ۔ کیونکہ انہوں نے اس کو خوش کرنے کے لئے اپنی زندگی تک قربان کردینے کا تہیہ کرلیا ۔ فرمایا اللہ نے ان پر تسکین نازل فرمائی اور فتح خیبر کی خوش خبری سنائی ۔