سورة الزمر - آیت 41

إِنَّا أَنزَلْنَا عَلَيْكَ الْكِتَابَ لِلنَّاسِ بِالْحَقِّ ۖ فَمَنِ اهْتَدَىٰ فَلِنَفْسِهِ ۖ وَمَن ضَلَّ فَإِنَّمَا يَضِلُّ عَلَيْهَا ۖ وَمَا أَنتَ عَلَيْهِم بِوَكِيلٍ

ترجمہ فہم القرآن - میاں محمد جمیل

اے نبی ہم نے سب انسانوں کے لیے یہ کتاب برحق آپ پر نازل کی ہے۔ جو سیدھا راستہ اختیار کرے گا وہ اپنے ہی لیے اختیار کرے گا اور جو بھٹکے گا اس کے بھٹکنے کا وبال اسی پر ہوگا آپ ان کے ذمہ دار نہیں ہونگے۔

تفسیرسراج البیان - محممد حنیف ندوی

(ف 3) حضور (ﷺ) کی تسکین خاطر کے لئے ارشاد فرمایا ہے کہ آپ پر جو صحیفہ حق نازل کیا گیا ہے ۔ یہ ضروری نہیں ہے کہ ہر شخص اس کو قبول کرلے ۔ آپ صرف اس حد تک مکلف ہیں کہ ان تک میرا پیغام پہنچادیں ۔ آئندہ یہ اگر گمراہ ہوں گے تو اپنا ہی بگاڑیں گے ۔ آپ ان کی ہدایت کے لئے اس درجہ بےقرار نہ ہوں ۔ حل لغات : بِوَكِيلٍ۔ ذمہ دار ۔ اجارہ دار ۔ مسلط اور داروغہ۔