سورة الفرقان - آیت 42

إِن كَادَ لَيُضِلُّنَا عَنْ آلِهَتِنَا لَوْلَا أَن صَبَرْنَا عَلَيْهَا ۚ وَسَوْفَ يَعْلَمُونَ حِينَ يَرَوْنَ الْعَذَابَ مَنْ أَضَلُّ سَبِيلًا

ترجمہ فہم القرآن - میاں محمد جمیل

” یہ توہمارے معبودوں سے ہمیں گمراہ کرچکا ہوتا۔ اگر ہم اپنے معبودوں پر قائم نہ رہتے تو وہ وقت دور نہیں جب عذاب دیکھ کر انہیں معلوم ہوجائے گا کہ کون پرلے درجے کا گمراہ تھا۔“

تفسیرسراج البیان - محممد حنیف ندوی

)ف 3(یہ لوگ باوجود بت پرستی کے اپنے کو راہ راست پر سمجھتے اور کہتے کہ معاذ اللہ محمد (ﷺ) نے تو ہمیں گمراہ کر ڈالا ہوتا ۔ یہ ہمارا استقلال اور عزیمت ہے کہ اپنے معتقدات سے نہیں پھرے ، ارشاد ہے کہ عنقریب جب اللہ کا عذاب و امتحان اور رسوائیوں کے ساتھ آموجود ہوگا اس وقت ان کو معلوم ہوگا کہ راہ راست پر کون ہے اور کون گمراہ ؟