سورة التغابن - آیت 12

وَأَطِيعُوا اللَّهَ وَأَطِيعُوا الرَّسُولَ ۚ فَإِن تَوَلَّيْتُمْ فَإِنَّمَا عَلَىٰ رَسُولِنَا الْبَلَاغُ الْمُبِينُ

ترجمہ فہم القرآن - میاں محمد جمیل

اللہ کی اطاعت کرو اور رسول کی اطاعت کرو، اگر تم اطاعت سے منہ موڑلو تو ہمارے رسول پر صاف طور پر حق پہنچا دینا ہے

تفسیر ثنائی - ثنا اللہ امرتسری

پس تم ہر وقت اس یقین پر پختہ رہو کہ اللہ تعالیٰ ہمارے ہر کام پر مطلع ہے اور اللہ و رسول کی تابعداری کیا کرواسی میں تمہاری بہتری ہیں۔ اسی میں تمہاری نجات ہے پھر اگر تم منکرین اسلام۔ اسلام سے روگردان ہی رہو گے تو سن رکھو کہ ہمارے رسول محمد (صلی اللہ علیہ وآلہ وسلم) کے ذمہ صرف واضح الفاظ میں بیان کردینا فرض ہے اس کے سوا اور کچھ نہیں