سورة المجادلة - آیت 2

الَّذِينَ يُظَاهِرُونَ مِنكُم مِّن نِّسَائِهِم مَّا هُنَّ أُمَّهَاتِهِمْ ۖ إِنْ أُمَّهَاتُهُمْ إِلَّا اللَّائِي وَلَدْنَهُمْ ۚ وَإِنَّهُمْ لَيَقُولُونَ مُنكَرًا مِّنَ الْقَوْلِ وَزُورًا ۚ وَإِنَّ اللَّهَ لَعَفُوٌّ غَفُورٌ

ترجمہ فہم القرآن - میاں محمد جمیل

تم میں سے جو لوگ اپنی بیویوں سے ظہار کرتے ہیں اس سے ان کی بیویاں ان کی مائیں نہیں بن جاتیں، ان کی مائیں وہی ہیں جنہوں نے ان کو جنم دیا ہے۔ یہ لوگ ایک ناپسندیدہ اور جھوٹی بات کہتے ہیں۔ حقیقت یہ ہے کہ اللہ معاف فرمانے اور درگزر کرنے والا ہے

تفسیر ثنائی - ثنا اللہ امرتسری

پس اب قانون سنو ! جو لوگ اپنی بیویوں سے ظہار کرتے ہیں یعنی ان کو ماں کی پیٹھ کی طرح کہتے ہیں حقیقت میں وہ ان کی مائیں نہیں۔ حقیقیت تو یہ ہے کہ ان کی مائیں وہی ہیں جنہوں نے ان کو جنا ہے۔ اور اس میں تو شک نہیں کہ ان بیویوں نے ان کو نہیں جنا اس لئے ان کا ایسا کہناغلط ہے اور وہ بہت مکروہ لفظ بلکہ جھوٹ کہتے ہیں۔ اور اللہ بڑا معاف کرنے والا بخشنے والا ہے۔