سورة القمر - آیت 22

وَلَقَدْ يَسَّرْنَا الْقُرْآنَ لِلذِّكْرِ فَهَلْ مِن مُّدَّكِرٍ

ترجمہ فہم القرآن - میاں محمد جمیل

ہم نے اس قرآن کو نصیحت کے لیے آسان بنا دیا ہے۔ کوئی ہے نصیحت قبول کرنے والا ؟

تفسیر ثنائی - ثنا اللہ امرتسری

چونکہ ہمارے ہاں قانون ہے کہ ہم بغیر تبلیغ کرنے کے کسی کو تباہ نہیں کیا کرتے اس لئے تبلیغ مقدم ہے۔ لہذا ہم نے قرآن مجید کو نصیحت کے لئے بہت آسان کیا ہے تاکہ سمجھنے والا اس کو سمجھے کیا کوئی ہے سمجھنے والا؟ کہ اس پر توجہ دے۔