سورة التين - آیت 4

لَقَدْ خَلَقْنَا الْإِنسَانَ فِي أَحْسَنِ تَقْوِيمٍ

ترجمہ فہم القرآن - میاں محمد جمیل

ہم نے انسان کو بہترین شکل و صورت میں پیدا کیا ہے

تفسیر السعدی - عبدالرحمٰن بن ناصر السعدی

اور جس امر پر قسم کھائی گئی ہے اور وہ اللہ تعالیٰ کا یہ ارشاد ہے : ﴿لَقَدْ خَلَقْنَا الْاِنْسَانَ فِیْٓ اَحْسَنِ تَقْوِیْمٍ﴾ ” ہم نے انسان کو بہت اچھی صورت میں پیدا کیا ہے ۔“ یعنی کامل تخلیق، متناسب اعضا اور بلند قامت کے ساتھ پیدا کیا ہے ، وہ ظاہر اور باطن میں جس چیز کا محتاج ہے ، اس سے محروم نہیں۔ ان عظیم نعمتوں کے باوجود جن کاشکر کیا جانا چاہیے ، اکثر مخلوق منعم کے شکر سے منحرف ور لہوو لعب میں مشغول ہے ۔ لوگ اپنے لیے پست ترین معاملے اور ردی اخلاق پر راضی ہیں۔ پس اللہ تعالیٰ نے ان کو پست سے پست مقام کی طرف لوٹادیا ، یعنی جہنم کا سب سے نچلا حصہ جو اپنے رب کی نافرمانی کرنے والے سرکشوں کا مقام ہے ، سوائے ان لوگوں کے جن کو اللہ تعالیٰ نے ایمان، عمل صالح اور اخلاق فاضلہ سے نوازا۔