سورة البروج - آیت 12

إِنَّ بَطْشَ رَبِّكَ لَشَدِيدٌ

ترجمہ فہم القرآن - میاں محمد جمیل

بلاشبہ آپ کے رب کی پکڑ بڑی سخت ہے

السعدی تفسیر - عبدالرحمن بن ناصر السعدی

(اِنَّ بَطْشَ رَبِّکَ لَشَدِیْدٌ) بے شک اہل جرائم اور بڑے گناہوں کا ارتکاب کرنے والوں کے لیے اس کی سزا بڑی سخت ہے اور وہ ظالموں کی گھات میں ہے جیسے اللہ تعالیٰ نے فرمایا ہے (وکذالک اخذ ربک اذا اخذ القری وھی ظالمۃ ان اخذہ الیم شدید۔ ھود ١٠٢) اور جب تیرا رب بستیوں کو پکڑتا ہے اس حال میں کہ وہ ظلم کریں تو اس کی پکر ایسی ہی ہوتی ہے بے شک اس کی پکڑ بڑی دردناک ہے۔