سورة نوح - آیت 16

وَجَعَلَ الْقَمَرَ فِيهِنَّ نُورًا وَجَعَلَ الشَّمْسَ سِرَاجًا

ترجمہ فہم القرآن - میاں محمد جمیل

اور ان میں چاند کو روشن اور سورج کو چمکتا ہوا چراغ بنایاہے

تفسیر السعدی - عبدالرحمٰن بن ناصر السعدی

﴿ وَجَعَلَ الْقَمَرَ فِيهِنَّ نُورًا﴾” اور چاند کو ان میں نور بنایا۔“ یعنی زمین والوں کے لیے ﴿ وَجَعَلَ الشَّمْسَ سِرَاجًا﴾ ” اور سورج کو چراغ بنایا۔“ اس میں ان اشیا کی تخلیق کے بڑے ہونے، نیز سورج اور چاند کے فوائد کی کثرت کی طرف اشارہ ہے جو اللہ تعالیٰ کی رحمت اور اس کے بے پایاں احسان پر دلالت کرتی ہے ۔ پس وہ عظیم اور رحیم ہستی، مستحق ہے کہ اس کی تعظیم کی جائے، اس سے محبت کی جائے ، اس سے ڈرا جائے اور امید رکھی جائے۔