سورة نوح - آیت 11

يُرْسِلِ السَّمَاءَ عَلَيْكُم مِّدْرَارًا

ترجمہ فہم القرآن - میاں محمد جمیل

وہ آسمان سے تم پر خوب بارشیں برسائے گا۔

تفسیر السعدی - عبدالرحمٰن بن ناصر السعدی

اللہ تبارک وتعالیٰ نے ان کو دنیا کی فوری بھلائی کے ذریعے سے ترغیب دی ،چنانچہ فرمایا : ﴿يُرْسِلِ السَّمَاءَ عَلَيْكُم مِّدْرَارًا ﴾ یعنی وہ تم پر لگاتار بارش برسائے گا جو وادیوں اور ٹیلوں کو سیراب کردے گی، شہروں اور بندوں کو زندگی عطا کرے گی۔