سورة الجمعة - آیت 10

فَإِذَا قُضِيَتِ الصَّلَاةُ فَانتَشِرُوا فِي الْأَرْضِ وَابْتَغُوا مِن فَضْلِ اللَّهِ وَاذْكُرُوا اللَّهَ كَثِيرًا لَّعَلَّكُمْ تُفْلِحُونَ

ترجمہ فہم القرآن - میاں محمد جمیل

جب نماز پوری ہوجائے تو زمین میں پھیل جاؤ اور اللہ کا فضل تلاش کرو اور اللہ کو کثرت سے یاد کرتے رہو، شاید تم کامیاب ہو جاؤ

السعدی تفسیر - عبدالرحمن بن ناصر السعدی

(فَاِذَا قُضِیَتِ الصَّلٰوۃُ فَانْتَشِرُوْا فِی الْاَرْضِ) پس جب نماز ہوچکے تو زمین میں پھیل جاؤ کام کاج اور تجارت کے لیے چونکہ تجارت میں مشغول ہونا اللہ کے ذکر سے غافل ہونے کا مقام ہے اسل یے اللہ تعالیٰ نے اپنے ذکر کی کثرت کا حکم دیا تاکہ اس کے ذریعے تلافی ہوجائے چنانچہ فرمایا (وَاذْکُرُوا اللّٰہَ کَثِیْرًا) یعنی اپنے کھڑے ہونے، بیٹھنے اور اپنے لیٹنے کے احوال میں کثرت سے اللہ تعالیٰ کا ذکر کرو۔ ( لَّعَلَّکُمْ تُفْلِحُوْنَ) تاکہ تم فلاح پاؤ۔ کیونکہ ذکر الٰہی کی کثرت فلاح کا سب سے بڑا سبب ہے۔