سورة ق - آیت 41

وَاسْتَمِعْ يَوْمَ يُنَادِ الْمُنَادِ مِن مَّكَانٍ قَرِيبٍ

ترجمہ فہم القرآن - میاں محمد جمیل

اور توجہ سے سنیں کہ جس دن آواز دینے والا قریب سے آواز دے گا۔

تفسیر السعدی - عبدالرحمٰن بن ناصر السعدی

﴿وَاسْتَمِعْ ﴾ اپنے دل کے ساتھ پکارنے والے کی پکار کو غور سے سن اور اس سے مراد حضرت اسرافیل علیہ السلام ہیں، یعنی جب اسرافیل علیہ السلام صور میں پھونکیں گے ﴿ مِن مَّكَانٍ قَرِيبٍ﴾ ” نزدیک کی جگہ سے۔“ یعنی کسی ایسی جگہ سے جو مخلوق کے قریب ہے۔