سورة يس - آیت 82

إِنَّمَا أَمْرُهُ إِذَا أَرَادَ شَيْئًا أَن يَقُولَ لَهُ كُن فَيَكُونُ

ترجمہ فہم القرآن - میاں محمد جمیل

جب کسی چیز کا ارادہ کرتا ہے تو اسے حکم دیتا ہے کہ ہوجا اور وہ ہوجاتی ہے

تفسیر السعدی - عبدالرحمٰن بن ناصر السعدی

اس لیے فرمایا : ﴿ إِنَّمَا أَمْرُهُ إِذَا أَرَادَ شَيْئًا ﴾ ” بلا شبہ اس کی شان یہ ہے کہ جب وہ کسی چیز کا ارادہ کرتا ہے۔“ ﴿ شَيْئًا ﴾ شرط کے سیاق میں نکرہ ہے، اس لئے ہر چیز کو شامل ہے ﴿ أَن يَقُولَ لَهُ كُن فَيَكُونُ ﴾ ” تو اس سے فرما دیتا ہے کہ ہوجا، تو وہ ہوجاتی ہے۔“ یعنی وہ کس رکاوٹ کے بغیر اسی وقت ہوجاتی ہے۔