سورة الشعراء - آیت 187

فَأَسْقِطْ عَلَيْنَا كِسَفًا مِّنَ السَّمَاءِ إِن كُنتَ مِنَ الصَّادِقِينَ

ترجمہ فہم القرآن - میاں محمد جمیل

اگر تو سچاہے توہم پر آسمان کا کوئی ٹکڑا گرادے۔ (١٨٧)

تفسیر السعدی - عبدالرحمٰن بن ناصر السعدی

﴿فَأَسْقِطْ عَلَيْنَا كِسَفًا مِّنَ السَّمَاءِ﴾ ” پس تم آسمان سے ایک ٹکڑا لا کر ہم پر گراؤ۔“ یعنی تو ہم پر عذاب نازل کردے جو ہماری جڑ کاٹ دے۔ ﴿إِن كُنتَ مِنَ الصَّادِقِينَ﴾ ” اگر تو سچا ہے۔“ ان کی یہ بات ان کے بھائی، دیگر کفار کے اس قول کی مانند تھی : ﴿وَإِذْ قَالُوا اللّٰـهُمَّ إِن كَانَ هَـٰذَا هُوَ الْحَقَّ مِنْ عِندِكَ فَأَمْطِرْ عَلَيْنَا حِجَارَةً مِّنَ السَّمَاءِ أَوِ ائْتِنَا بِعَذَابٍ أَلِيمٍ ﴾ (الانفال : 8؍32) ” اور آپ اس بات کو بھی یاد کیجئے جب انہوں نے کہا تھا کہ اے اللہ ! اگر یہ واقعی تیری طرف سے حق ہے تو ہم پر آسمان سے پتھروں کی بارش کردے یا ہم پر کوئی درد ناک عذاب لے آ۔“ یا انہوں نے بعض معجزات کا مطالبہ کیا، جن کے سائل کے لئے مطلوب کو پورا کرنا لازم نہیں۔