سورة الفرقان

إِذَا رَأَتْهُم مِّن مَّكَانٍ بَعِيدٍ سَمِعُوا لَهَا تَغَيُّظًا وَزَفِيرًا

جب انہیں جہنم دور سے دیکھے گی توجہنمی اس کے غضب اور جوش کی آوازیں سنیں گے۔ (١٢)

﴿ إِذَا رَأَتْهُم مِّن مَّكَانٍ بَعِيدٍ ﴾ ” جب وہ ( آگ) ان کو دیکھے گی دور کی جگہ سے۔“ یعنی اس سے پہلے کہ وہ جہنم میں پہنچیں اور جہنم ان کو وصول کرے ﴿ سَمِعُوا لَهَا تَغَيُّظًا ﴾ ” وہ (اپنے اوپر) اس کے غیظ و غضب کی آوازیں سنیں گے“ ﴿ وَزَفِيرًا ﴾ ” اور دھاڑنا ( سنیں گے)۔“ کہ جس سے صدمے اور خوف کی وجہ سے کلیجے پھٹ جائیں گے اور دل پارہ پارہ ہوجائیں گے اور قریب ہے کہ ان میں کوئی خوف اور دہشت کے مارے مر ہی جائے۔ جہنم اپنے خالق کے غضب کی وجہ سے ان پر غضب ناک ہوگی، ان کے کفر اور برائی کی کثرت کی وجہ سے جہنم کے شعلے اور زیادہ ہوجائیں گے۔