سورة الإسراء - آیت 63

قَالَ اذْهَبْ فَمَن تَبِعَكَ مِنْهُمْ فَإِنَّ جَهَنَّمَ جَزَاؤُكُمْ جَزَاءً مَّوْفُورًا

ترجمہ فہم القرآن - میاں محمد جمیل

” فرمایا جا، ان میں سے جو تیرے پیچھے چلے گا یقیناً جہنم تمھاری سزا ہے جو بدترین سزا ہوگی۔“

تفسیر السعدی - عبدالرحمٰن بن ناصر السعدی

اللہ تعالیٰ نے اس سے فرمایا : ﴿اذْهَبْ فَمَن تَبِعَكَ مِنْهُمْ﴾ ” جا، ان میں سے جس نے تیری پیروی کی“ اور اپنے رب اور اپنے حقیقی سر پرست کو چھوڑ کر تجھے چن لیا۔ ﴿ فَإِنَّ جَهَنَّمَ جَزَاؤُكُمْ جَزَاءً مَّوْفُورًا﴾ ” پس تم سب کی سزا جہنم ہے، سزا پوری“ یعنی تمہارے لیے تمہارے اعمال کی پوری پوری جزا جمع کردی گئی ہے۔