سورة الانعام - آیت 150

قُلْ هَلُمَّ شُهَدَاءَكُمُ الَّذِينَ يَشْهَدُونَ أَنَّ اللَّهَ حَرَّمَ هَٰذَا ۖ فَإِن شَهِدُوا فَلَا تَشْهَدْ مَعَهُمْ ۚ وَلَا تَتَّبِعْ أَهْوَاءَ الَّذِينَ كَذَّبُوا بِآيَاتِنَا وَالَّذِينَ لَا يُؤْمِنُونَ بِالْآخِرَةِ وَهُم بِرَبِّهِمْ يَعْدِلُونَ

ترجمہ فہم القرآن - میاں محمد جمیل

” فرمائیں اپنے گواہ لاؤ جو شہادت دیں کہ واقعی اللہ نے یہ چیزیں حرام کی ہیں، پھر اگر وہ شہادت دے دیں تو آپ ان کے ساتھ شہادت نہ دیں اور ان لوگوں کی خواہشوں کے پیچھے مت چلیں جنہوں نے ہماری آیات کو جھٹلایا اور جو آخرت پر ایمان نہیں رکھتے اور وہ اپنے رب کے ساتھ شریک ٹھہراتے ہیں۔“ (١٥٠)

تفسیر مکی - مولانا صلاح الدین یوسف صاحب

١٥٠۔ ١ یعنی وہ جانور، جن کو مشرکین حرام قرار دیے ہوئے تھے۔ ١٥٠۔ ٢ کیونکہ ان کے پاس سوائے کذب و افترا کے کچھ نہیں۔ ١٥٠۔ ٣ یعنی اس کا عدیل (برابر کا) ٹھہرا کر شرک کرتے ہیں۔