سورة نوح - آیت 3

أَنِ اعْبُدُوا اللَّهَ وَاتَّقُوهُ وَأَطِيعُونِ

ترجمہ فہم القرآن - میاں محمد جمیل

یہ کہ تم اللہ کی بندگی کرو اور اس سے ڈرو اور میری اطاعت کرو۔

تفسیر مکہ - حافظ صلاح الدین یوسف حافظ

* اور شرک چھوڑ دو، صرف اسی کی عبادت کرو۔ ** اللہ کی نافرمانیوں سے اجتناب کرو، جن سے تم عذاب الٰہی کے مستحق قرار پا سکتے ہو، *** یعنی میں تمہیں جن باتوں کا حکم دوں اس میں میری اطاعت کرو، اس لئے کہ میں تمہاری طرف اللہ کا رسول اور اس کا نمائندہ بن کر آیا ہوں۔