سورة المجادلة - آیت 21

كَتَبَ اللَّهُ لَأَغْلِبَنَّ أَنَا وَرُسُلِي ۚ إِنَّ اللَّهَ قَوِيٌّ عَزِيزٌ

ترجمہ فہم القرآن - میاں محمد جمیل

اللہ نے لکھ دیا ہے کہ میں اور میرے رسول (جمع) ہی غالب رہیں گے یقیناً اللہ طاقت ور اور غالب رہنے والا ہے

تفسیر مکی - مولانا صلاح الدین یوسف صاحب

٢١۔ ١ یعنی تقدیر اور لوح محفوظ میں جس میں کوئی تبدیلی نہیں ہوسکتی یہ مضمون سورۃ مومن میں بھی بیان کیا گیا ہے۔ ٢١۔ ٢ جب یہ بات لکھنے والا، سب پر غالب اور نہایت زورآور ہے تو پھر اور کون ہے جو اس فیصلے میں تبدیلی کرسکے۔؟ مطلب یہ ہوا کہ یہ فیصلہ قدر محکم اور امر مبرم ہے۔