سورة الذاريات - آیت 41

وَفِي عَادٍ إِذْ أَرْسَلْنَا عَلَيْهِمُ الرِّيحَ الْعَقِيمَ

ترجمہ فہم القرآن - میاں محمد جمیل

اور عاد کے انجام میں عبرت ہے، جب ہم نے ان پر ایک ایسی منحوس آندھی بھیجی

تفسیر احسن البیان - حافظ صلاح الدین یوسف رحمہ اللہ

1- أَيْ : تَرَكْنَا فِي قِصَّةِ عَادٍ ، عاد کے قصے میں بھی ہم نے نشانی چھوڑی۔ 2- الرِّيحَ الْعَقِيمَ (بانجھ ہوا) جس میں خیر وبرکت نہیں تھی، وہ ہوا درختوں کو ثمر آور کرنے والی تھی نہ بارش کی پیامبر، بلکہ صرف ہلاکت اور عذاب کی ہوا تھی۔