سورة الزمر - آیت 56
أَن تَقُولَ نَفْسٌ يَا حَسْرَتَا عَلَىٰ مَا فَرَّطتُ فِي جَنبِ اللَّهِ وَإِن كُنتُ لَمِنَ السَّاخِرِينَ
ترجمہ فہم القرآن - میاں محمد جمیل
کہیں ایسا نہ ہو کہ بعد میں کوئی شخص کہے افسوس میرے کردار پر جو میں اللہ کے بارے میں کوتاہی کرتا رہا، بلکہ میں تو مذاق اڑانے والوں میں شامل تھا
تفسیر احسن البیان - حافظ صلاح الدین یوسف رحمہ اللہ
1- ﴿فِي جَنْبِ اللهِ ﴾کا مطلب، اللہ کی اطاعت یعنی قرآن اور اس پر عمل کرنےمیں کوتاہی ہے۔ یا جَنْبٌ کےمعنی قرب اور جوار کے ہیں۔ یعنی اللہ کا قرب اور اس کا جوار (یعنی جنت) طلب کرنے میں کوتاہی کی۔