سورة النسآء - آیت 149
إِن تُبْدُوا خَيْرًا أَوْ تُخْفُوهُ أَوْ تَعْفُوا عَن سُوءٍ فَإِنَّ اللَّهَ كَانَ عَفُوًّا قَدِيرًا
ترجمہ فہم القرآن - میاں محمد جمیل
اگر تم کوئی نیکی ظاہر کرو یا اسے چھپاؤ یا برائی سے درگزر کرو تو یقیناً اللہ بہت معاف کرنے والا، ہر چیز پر قدرت رکھنے والا ہے۔“
تفسیر اشرف الہواشی - محمد عبدہ لفلاح
ف 2 اس میں عفو کی ترغیب ہے (قرطبی) یعنی اگرچہ ظالم کا شکوہ یا اس کے حق میں بد دعاجائز ہے تاہم عفو ودرگزر سے کام لینا بہتر ہے حدیث میں ہے(وَمَا زَادَ اللهُ عَبْداً بِعَفْوٍ إِلَاّ عِزّاً) کہ جو شخص معاف کر یتا ہے اللہ تعالیٰ اس کی عزت میں اضافہ کرتا ہے۔ (ابن کثیر) یہ دو جملے برّو خیر کے تمام شعبوں پر مشتمل ہیں (کبیر )