سورة الحديد - آیت 22

مَا أَصَابَ مِن مُّصِيبَةٍ فِي الْأَرْضِ وَلَا فِي أَنفُسِكُمْ إِلَّا فِي كِتَابٍ مِّن قَبْلِ أَن نَّبْرَأَهَا ۚ إِنَّ ذَٰلِكَ عَلَى اللَّهِ يَسِيرٌ

ترجمہ فہم القرآن - میاں محمد جمیل

کوئی مصیبت ایسی نہیں ہے جو زمین پر یا تم پر آتی ہو اور ہم نے اس کو پیدا کرنے سے پہلے ایک کتاب میں نہ لکھ رکھا ہو، ایسا کرنا ” اللہ“ کے لیے بہت آسان ہے۔

تفسیر اشرف الہواشی - محمد عبدہ لفلاح

ف 4 یا زمین اور تم لوگوں کی پیدائش سے پہلے۔“ ف 5 حضرت عبداللہ بن عمرو بن العاص(رض) سے روایت ہے کہ میں نے رسول اللہ (ﷺ) کو یہ فرماتے سنا۔“ اللہ تعالیٰ نے مخلوقات کی تقدیر زمین و آسمان کی پیدائش ہے پچاس ہزا رسال پہلے لکھ دی تھی۔ (ابن کثیر بحو الہ صحیح مسلم)