سورة الذاريات

وَفِي أَنفُسِكُمْ ۚ أَفَلَا تُبْصِرُونَ

اور تمہارے وجود میں بھی نشانیاں ہیں کیا تم نہیں دیکھتے؟

ف 6 یعنی باہر کی نشانیوں سے قطع نظر خود تمہاری پیدائش نشوونما جوانی بڑھاپے اور نظام ہضم و صحت میں ایسی سینکڑوں نشانیاں موجود ہیں جن پر اگر تم غور کرو تو تمہیں صاف معلوم ہوسکتا ہے کہ تم خود پیدا نہیں ہوئے ہو بلکہ کسی خالق کے پیدا کرنے سے پیدا ہوئے ہو اور یہ کہ تم مرنے کے بعد دوبارہ زندہ کئےجائو گے اور اپنے خالق و مالک سے اپنے اچھے یا برے اعمال کا بدلہ پائو گے۔