سورة الجاثية - آیت 18

ثُمَّ جَعَلْنَاكَ عَلَىٰ شَرِيعَةٍ مِّنَ الْأَمْرِ فَاتَّبِعْهَا وَلَا تَتَّبِعْ أَهْوَاءَ الَّذِينَ لَا يَعْلَمُونَ

ترجمہ فہم القرآن - میاں محمد جمیل

اے نبی پھر ہم نے آپ کو دین کے معاملہ میں ایک صاف شاہراہ پر قائم کیا ہے۔ لہٰذا آپ اسی پر چلیں اور ان لوگوں کی خواہشات کی اتباع نہ کریں جو علم نہیں رکھتے۔

تفسیر اشرف الہواشی - محمد عبدہ لفلاح

ف 4 یعنی دین کو واضح کرنے کی جو خدمت موسیٰ (علیہ السلام) کے سپرد کی گئی تھی وہی اب آپﷺ کے سپرد کی گی ہے۔ ف 5 یعنی انہیں اپنے قریب کرنے کے لئے دین کے معاملے میں کسی قسم کی مداہنت سے کام نہ لیں۔ نادانوں سے مراد کفار قریش ہیں۔