سورة الجاثية - آیت 6
تِلْكَ آيَاتُ اللَّهِ نَتْلُوهَا عَلَيْكَ بِالْحَقِّ ۖ فَبِأَيِّ حَدِيثٍ بَعْدَ اللَّهِ وَآيَاتِهِ يُؤْمِنُونَ
ترجمہ فہم القرآن - میاں محمد جمیل
یہ اللہ کی نشانیاں ہیں جنہیں ہم تمہارے سامنے ٹھیک ٹھیک بیان کر رہے ہیں اب آخر اللہ کی ذات اور اس کی آیت کے بعد اور کون سی بات ہے جس پر یہ لوگ ایمان لائیں گے؟
تفسیر اشرف الحواشی - محمد عبدہ الفلاح
ف 1 یعنی جب قرآن کی آیات سن کر بھی وہ اللہ تعالیٰ پر ایمان نہیں لا رہے تو اللہ تعالیٰ سے بڑھ کر اور کون سی ہستی ہے جس کی بات پر یہ ایمان لائیں گے۔