سورة الروم - آیت 15

فَأَمَّا الَّذِينَ آمَنُوا وَعَمِلُوا الصَّالِحَاتِ فَهُمْ فِي رَوْضَةٍ يُحْبَرُونَ

ترجمہ فہم القرآن - میاں محمد جمیل

جو لوگ ایمان لائے اور جنہوں نے نیک عمل کیے ہیں انہیں جنت میں خوش وخرم رکھا جائے گا۔

تفسیر اشرف الہواشی - محمد عبدہ لفلاح

ف8۔ یعنی ان کی خوب خاطرداری اور مہمان نوازی ہوگی اور ہر لمحہ تازہ سرور حاصل ہوتا رہے گا۔ بعض نے لکھا ہے کہ ” يُحْبَرُونَ “ کے معنی ہیں ” ان کو گیت اور نغموں سے لذت اندوز کیا جائے گا۔ بہرحال ” يُحْبَرُونَ “ کا لفظ ہر قسم کی خوشی اور انعام و اکرام کو شامل ہے۔ (قرطبی۔ کبیر)