سورة النمل - آیت 15

وَلَقَدْ آتَيْنَا دَاوُودَ وَسُلَيْمَانَ عِلْمًا ۖ وَقَالَا الْحَمْدُ لِلَّهِ الَّذِي فَضَّلَنَا عَلَىٰ كَثِيرٍ مِّنْ عِبَادِهِ الْمُؤْمِنِينَ

ترجمہ فہم القرآن - میاں محمد جمیل

” ہم نے داؤد وسلیمان کو علم عطا کیا اور انہوں نے کہا کہ شکر ہے اللہ کا، جس نے ہمیں اپنے بہت سے مومن بندوں پر فضیلت عطا فرمائی۔“

تفسیر اشرف الہواشی - محمد عبدہ لفلاح

ف7۔ یعنی دین و شریعت کا علم۔ (قرطبی) ف 8۔ یعنی ہمیں علم و نبوت عطا فرما کر اور پرندوں، جنوں اور انسانوں کو ہمارے تابع فرمان بنا کر اپنے بہت سے مومن بندوں پر فضیلت دی۔ ” بہت سے“ کا لفظ اس لئے استعمال فرمایا کہ ا نہیں بہت سوں پر ہی فضیلت دی گئی تھی ” سب پر“ نہیں کیوں کہ سب پر فضیلت تو صرف آنحضرت خاتم الانبیاءﷺ کو ہی حاصل ہوئی ہے۔ (شوکانی)