سورة ابراھیم - آیت 39
الْحَمْدُ لِلَّهِ الَّذِي وَهَبَ لِي عَلَى الْكِبَرِ إِسْمَاعِيلَ وَإِسْحَاقَ ۚ إِنَّ رَبِّي لَسَمِيعُ الدُّعَاءِ
ترجمہ فہم القرآن - میاں محمد جمیل
” سب تعریف اللہ کی ہے جس نے مجھے بڑھاپے میں اسماعیل اور اسحاق عطا کیے۔ بے شک میرا رب خوب دعا سننے والاہے۔“
تفسیر اشرف الہواشی - محمد عبدہ لفلاح
ف 3۔ یعنی بڑھاپے کے عالم میں ہاجرہ کے بطن سے اسماعیل ( علیہ السلام) اور سارہ کے بطن سے حضرت اسحق ( علیہ السلام) غیر متوقع طور پر عنایت فرمائے۔ اب جس طرح میری پہلی دعا : İرَبِّ هَبۡ لِي مِنَ ٱلصَّٰلِحِينَĬ ۔“ ( اے میرے پروردگار مجھے نیک اولاد عنایت فرما) قبول فرمائی ہے اسی طرح میری یہ دعا بھی قبول فرما۔ ہوسکتا ہے کہ’’مَا نُخۡفِي ‘‘سے مقصود یه هو كه میری موت کے بعد ان دونوں اور ان کی اولاد كی اعانت فرماتا رہے اسی طرح’’ٱلۡحَمۡدُ لِلَّهِ “۔ کی پہلی دعا سے مناسبت بھی ظاہر ہوجاتی ہے۔ (رازی)۔