سورة البقرة - آیت 6

إِنَّ الَّذِينَ كَفَرُوا سَوَاءٌ عَلَيْهِمْ أَأَنذَرْتَهُمْ أَمْ لَمْ تُنذِرْهُمْ لَا يُؤْمِنُونَ

ترجمہ فہم القرآن - میاں محمد جمیل

بلاشبہ کافروں کے لیے آپ کا ڈرانا یا نہ ڈرانا برابر ہے۔ کیونکہ یہ لوگ ایمان نہیں لائیں گے۔

تفسیر اشرف الہواشی - محمد عبدہ لفلاح

ف2:یعنی جو اللہ تعالیٰ کے علم ازلی میں کافر قرار پا چکے ہیں ان کو انذار سے فائدہ نہیں ہوگا ( قرطبی) اس کے معنی یہ نہیں کہ انذار بالکل فضول ہے ،نہیں بلکہ منذر کو تو تبلیغ رسالۃ کا حق ادا کرنے کا ضرور ثواب ملتا رہے گا اس لیے عَلَيْهِمْ فرمایا کہ ان کے حق میں انذار اور عدم انذار برابر ہے۔