سورة الهمزة

إِنَّهَا عَلَيْهِم مُّؤْصَدَةٌ

یقیناً وہ ان پر ( ہر طرف سے) بند کی ہوئی ہے۔

اِنَّهَا عَلَيْهِمْ مُؤْصَدَةٌ....: ’’أَوْصَدَ يُوْصِدُ إِيْصَادًا‘‘ (افعال) ’’اَلْبَابَ‘‘ دروازہ بند کر دینا۔ ’’ مُؤْصَدَةٌ ‘‘ اسم مفعول ہے، بند کی ہوئی۔ ’’عَمَدٍ ‘‘ ’’عَمُوْدٌ‘‘ کی جمع ہے، یعنی انھیں جہنم میں لمبے لمبے ستونوں کے ساتھ باندھ کر چاروں طرف سے بند کر دیا جائے گا، حتیٰ کہ کوئی دروازہ یا کھڑکی بلکہ کوئی شگاف یا درز بھی باقی نہیں چھوڑی جائے گی۔ [ أَعَاذَنَا اللّٰہُ مِنْھَا ] دوسرا معنی یہ ہے کہ اس آگ کے شعلے لمبے لمبے ستونوں کی شکل میں ہوں گے۔