سورة القدر

سَلَامٌ هِيَ حَتَّىٰ مَطْلَعِ الْفَجْرِ

وہ رات فجر طلوع ہونے تک سراسر سلامتی ہے۔

1۔ سَلٰمٌ هِيَ حَتّٰى مَطْلَعِ الْفَجْرِ: ’’ سَلٰمٌ ‘‘ خبر مقدم اور ’’ هِيَ ‘‘ مبتدا مؤخر ہے، یعنی وہ رات طلوع فجر تک سراسر سلامتی ہے۔ مغرب سے فجر تک رات بھر اس میں اہلِ ایمان شیطان کے شر اور ہر قسم کے فتنے سے سلامت رہتے ہیں اور اپنے دلوں میں عجیب اطمینان و سکون اور سلامتی محسوس کرتے ہیں۔ 2۔ لیلۃ القدر، اس کی تلاش اور اعتکاف کے مسائل و فضائل کے لیے کتب احادیث کا مطالعہ فرمائیں۔