سورة الشمس

كَذَّبَتْ ثَمُودُ بِطَغْوَاهَا

(قوم) ثمود نے اپنی سرکشی کی وجہ سے جھٹلا دیا۔

كَذَّبَتْ ثَمُوْدُ بِطَغْوٰىهَا: ’’طَغْوٰي‘‘ (سركشی) ’’طَغَا يَطْغُوْ‘‘ (ن) کا مصدر ہے، جیسا کہ ’’دَعَا يَدْعُوْ‘‘ کا مصدر’’دَعْوٰي‘‘ ہے۔ بطور مثال تاریخ میں سے ایک قوم کا ذکر فرمایا، جس نے سرکشی کی وجہ سے اپنے آپ کو مٹی میں دبا دیا۔ ثمود صالح علیہ السلام کی قوم تھی، ان کے معجزہ طلب کرنے پر انھیں ایک اونٹنی دی گئی اور انھیں کہا گیا کہ ایک دن اس کے پینے کی باری ہوگی اور ایک دن تم سب کے پانی لینے کی۔ دیکھیے سورۂ شعراء (۱۵۵)۔