سورة المدثر

كَلَّا ۖ إِنَّهُ كَانَ لِآيَاتِنَا عَنِيدًا

ہرگز نہیں! یقیناً وہ ہماری آیات کا سخت مخالف رہا ہے۔

كَلَّا اِنَّهٗ كَانَ لِاٰيٰتِنَا عَنِيْدًا: ’’عَنِيْدًا‘‘(ن،ض) حق کو پہچانتے ہوئے ضد کی وجہ سے مخالفت کرنے والا۔ ’’كَانَ‘‘سے ہمیشگی کا مفہوم نکل رہا ہے، ’’كَلَّا‘‘ہرگز نہیں۔ یعنی اس کی یہ خواہش کبھی پوری نہیں ہوگی، مزید نوازش و مہربانی کا حق دار تو تب تھا جب وہ ہماری بات مانتا، وہ تو ہمیشہ سے ہماری آیات کا شدید مخالف رہا ہے۔