سورة المعارج

نَزَّاعَةً لِّلشَّوَىٰ

منہ اور سر کی کھال کو اتار کھینچنے والی ہے۔

نَزَّاعَةً لِّلشَّوٰى : ’’ نَزَّاعَةً ‘‘ مبالغے کا صیغہ ہے، بہت اتار کھینچنے والی۔ ’’الشَّوٰي‘‘ ’’شَوَاةٌ‘‘ کی جمع ہے، سر اور چہرے کی کھال۔ جمع کا لفظ اس کے اجزا کی وجہ سے لایا گیا ہے۔ مبالغے کے مفہوم میں یہ بھی شامل ہے کہ اس کے شعلے کی لپیٹ فوراً ہی سر اور چہرے کی کھال جلا کر اتار کھینچے گی اور یہ بھی کہ وہ کھال بار بار درست ہو تی رہے گی اور آگ کا شعلہ اسے بار بار جلاتا رہے گا، البتہ دل قائم رہے گا تاکہ عذاب کی تکلیف برقرار رہے۔ دیکھیے سورۂ نساء (۵۶)۔