سورة الحاقة

كُلُوا وَاشْرَبُوا هَنِيئًا بِمَا أَسْلَفْتُمْ فِي الْأَيَّامِ الْخَالِيَةِ

کھاؤ اور پیو مزے سے، ان اعمال کے عوض جو تم نے گزرے ہوئے دنوں میں آگے بھیجے۔

كُلُوْا وَ اشْرَبُوْا هَنِيْٓـًٔۢا....: ’’ هَنِيْٓـًٔا ‘‘ ’’هَنُؤَ يَهْنُؤُ‘‘ (ک) سے ’’فَعِيْلٌ‘‘ کے وزن پر ہے، جس کے حاصل ہونے میں کوئی مشقت ہو نہ کھانے کے بعد معدے پر کوئی بوجھ ہو، ادھر کھایا ادھر ہضم ہوا۔ ’’ بِمَا اَسْلَفْتُمْ ‘‘ ان اعمال کی وجہ سے جو تم نے آگے بھیجے۔ معلوم ہوا نیک اعمال جنت میں داخل ہونے کا سبب ہیں ۔