سورة الحاقة

وَأَمَّا عَادٌ فَأُهْلِكُوا بِرِيحٍ صَرْصَرٍ عَاتِيَةٍ

اور جو عاد تھے وہ سخت ٹھنڈی، تند آندھی کے ساتھ ہلاک کردیے گئے، جو قابو سے باہر ہونے والی تھی۔

وَ اَمَّا عَادٌ فَاُهْلِكُوْا....: ’’رِيْحٌ‘‘ ہوا، ’’ صَرْصَرٍ ‘‘ ’’صِرٌّ‘‘ سے مشتق ہے، جس کا معنی سخت ٹھنڈک اور تیزی ہے، یعنی سخت ٹھنڈی اور تند آندھی، یا یہ ’’صَرْصَرَ يُصَرْصِرُ صَرْصَرَةً ‘‘ (چیخنا، سخت آواز نکالنا) سے مشتق ہے، یعنی سخت آواز والی آندھی۔ ’’ عَاتِيَةٍ ‘‘ ’’ عَتَا يَعْتُوْ عُتُوًّا‘‘ (ن) قابو سے باہر ہونا، سرکشی کرنا۔ یعنی وہ ہوا اللہ تعالیٰ کے علاوہ کسی بھی قابو کرنے والے کے قابو سے باہر تھی۔