سورة الرحمن

فِيهِمَا فَاكِهَةٌ وَنَخْلٌ وَرُمَّانٌ

ان دونوں میں پھل اور کھجوروں کے درخت اور انار ہیں۔

فِيْهِمَا فَاكِهَةٌ وَّ نَخْلٌ وَّ رُمَّانٌ: ”فَاكِهَةٌ“ اسم جنس ہے، اس میں ہر پھل آ جاتا ہے۔ کھجور اور انار بھی ’’ فَاكِهَةٌ ‘‘ میں شامل ہیں، مگر عرب میں ان کی کثرت اور ان کے پسندیدہ پھل ہونے کی وجہ سے ان کا الگ ذکر فرمایا ہے۔ مقربین کے لیے ’’ مِنْ كُلِّ فَاكِهَةٍ زَوْجٰنِ ‘‘ اور اصحاب الیمین کے لیے ’’ فَاكِهَةٌ وَّ نَخْلٌ وَّ رُمَّانٌ ‘‘ فرمایا۔ دونوں کا فرق واضح ہے۔