سورة القمر

وَلَقَدْ جَاءَ آلَ فِرْعَوْنَ النُّذُرُ

اور بلاشبہ یقیناً فرعون کی آل کے پاس ڈرانے والے آئے۔

وَ لَقَدْ جَآءَ اٰلَ فِرْعَوْنَ النُّذُرُ: آلِ فرعون کو ڈرانے اور خبردار کرنے والوں سے مراد ان کے پاس آنے والے پیغمبر موسیٰ اور ہارون علیھما السلام بھی ہیں اور ان کو دیے جانے والے نو (۹) معجزات بھی، جنھیں اللہ تعالیٰ نے ’’ تِسْعَ اٰيٰتٍ بَيِّنٰتٍ ‘‘ قرار دیا ہے۔ تفصیل کے لیے دیکھیے سورۂ بنی اسرائیل (۱۰۱) کی تفسیر۔