سورة القمر

وَلَقَد تَّرَكْنَاهَا آيَةً فَهَلْ مِن مُّدَّكِرٍ

اور بلاشبہ یقیناً ہم نے اسے ایک نشانی بنا کر چھوڑا، تو کیا ہے کوئی نصیحت حاصل کرنے والا ؟

1۔ وَ لَقَدْ تَّرَكْنٰهَا اٰيَةً: اس کی تفسیر کے لیے دیکھیے سورۂ ہود (۴۴) اور سورۂ عنکبوت (۱۵) کی تفسیر۔ 2۔ فَهَلْ مِنْ مُّدَّكِرٍ: ’’ مُدَّكِرٍ ‘‘ ’’ ذَكَرَ يَذْكُرُ ‘‘ میں سے باب افتعال کا اسم فاعل ہے، جو اصل میں ’’مُذْتَكِرٌ‘‘ ہے، تائے افتعال کو دال سے بدل دیا گیا، اسی طرح ذال کو بھی دال سے بدل کر اس میں ادغام کر دیا گیا، جیسا کہ سورۂ یوسف میں گزرا ہے : ﴿وَ قَالَ الَّذِيْ نَجَا مِنْهُمَا وَ ادَّكَرَ بَعْدَ اُمَّةٍ ﴾ [ یوسف : ۴۵ ] ’’اور ان دونوں میں سے جو رہا ہوا تھا اور اسے ایک مدت کے بعد یاد آیا، اس نے کہا۔‘‘