سورة الفتح

وَيَنصُرَكَ اللَّهُ نَصْرًا عَزِيزًا

اور (تاکہ) اللہ تیری مدد کرے، زبردست مدد۔

وَ يَنْصُرَكَ اللّٰهُ نَصْرًا عَزِيْزًا: چوتھی اور آخری نعمت یہ ہے کہ ’’ نصرِ عزیز‘‘کا ذکر اپنے سب سے باعظمت نام ’’اللہ‘‘ کے ساتھ فرمایا، تاکہ اس کی اہمیت واضح ہو۔ یعنی اللہ تعالیٰ آپ کی ایسی مدد فرمائے گا جس سے آپ کو عزت و قوت اور غلبہ حاصل ہو گا اور آپ کے دشمن عاجز اور مغلوب ہو جائیں گے۔ یہاں مبالغے کے لیے ’’عزیز‘‘ کی نسبت ’’نصر‘‘ کی طرف فرمائی ہے، ورنہ عزیز تو اس کے نتیجے میں رسول اللہ صلی اللہ علیہ وسلم نے ہونا ہی ہے۔ یہ ایسے ہی ہے جیسے کہتے ہیں: ’’ فُلاَنٌ نَهَارُهُ صَائِمٌ وَلَيْلُهُ قَائِمٌ ‘‘ ’’فلاں کا دن روزہ رکھنے والا اور رات قیام کرنے والی ہے۔‘‘