سورة الجاثية

وَيْلٌ لِّكُلِّ أَفَّاكٍ أَثِيمٍ

بڑی ہلاکت ہے ہر سخت جھوٹے، گناہ گار کے لیے۔

1۔ وَيْلٌ لِّكُلِّ اَفَّاكٍ اَثِيْمٍ: آیات سن کر ان کا اثر قبول کرنے کے لحاظ سے لوگوں کی دو قسمیں ہیں۔ اس سے پہلے ان لوگوں کا ذکر تھا جو ایمان و یقین اور عقل سے بہرہ ور ہوتے ہیں، اب ان لوگوں کا ذکر ہے جو تکبر کی وجہ سے اللہ کی آیات کے انکار پر اصرار کرنے والے ہیں۔ 2۔ ’’ وَيْلٌ ‘‘ کے لیے دیکھیے سورۂ بقرہ کی آیت (۷۹) ’’إِفْكٌ‘‘ بدترین جھوٹ، بہتان۔ ’’ اَفَّاكٍ ‘‘ مبالغے کا صیغہ ہے، سخت جھوٹا۔ ’’ اَثِيْمٍ ‘‘ سخت گناہ گار۔ یعنی ہر ایسے انسان کے لیے بہت بڑی ہلاکت اور بربادی ہے جو قول میں سخت جھوٹا اور فعل میں سخت گناہ گار ہے۔